Dokkum/Grou 14 july 2024

Sa út en troch wurde der ek demonastraasjes jûn bûten de provinsje. Dat alles om it einekoerflechtsjen te promoaten, en fansels wat hannel te dwaan om de ûnkosten der wer út te heljen.

Op saterdei 6 juny ha Binne van der Velde en Hendrik Kooistra de reis nei Elspeet makke om dêr in demonstraasje te jaan op de Outdoor Hunting Day. “De waarsberjochten wienen tige min foar dizze dei”, skriuwt Hendrik, “mar it foel hûndert punten ta: in lyts snjitterke middeis en fierders de hiele dei drûch.”

De mannen hienen net in soad hannel, mar des te mear praters. Ek binne der wat kontakten lein. Meikoarten folget in ynterview mei de redakteur fan it moanneblêd  De Jager. Hendrik: “Sa krije we ek noch in bytsje lanlike bekendheid, wy wachtsje it ôf.”